Alex Txikon eta bere taldea behe kanpamentura itzuli dira, haize gogorraren ondorioz

Alex Txikonek eta bere taldeak Everesteko behe kanpamentura jaitsi behar izan dute, eguraldia bat-batean aldatu eta tontorrean 100 km/h-ko haize ufadak daudela jakin ostean.

Egoera zaildu egin zaie, otsailaren 24 eta 25erako aurreikusitako eguraldi ona erabat aldatu direlako.

Momentu horretan, Alex Txikon eta bere taldea hirugarren kanpamentutik (7.100 metro) laugarrenera (7.950 metro) bidean ziren. Hasiera batean, 50 km/h-ko haizea iragarrita zegoen, baina ufadak 70 km/h-ra igo dira Hego Lepoan eta 100 km/h-ra tontorrean.

"Jaitsi egon behar dugu, bestela behatz guztiak galduko ditugu, edo kideren bat bidean geratuko zaigu, egoera oso arriskutsua da", esan du Txikonek walkiaren bidez. Guztiak behe kanpamentuan dira dagoeneko.