Tenisa
Arruabarrenak eta Muguruzak aurrera egin dute Wimbledonen
Erredakzioa
Lara Arruabarrenak irabazi egin dio Ana Bogdani (6-1, 3-6 eta 8-6). Garbiñe Muguruzak, aldiz, garaipena lortu du Naomi Broadyren aurka (6-2 eta 7-5).
Garbiñe Muguruza, Naomi Broadyren aurkako partidan. Argazkia: EFE
Lara Arruabarrenak eta Garbiñe Muguruzak aurrera egin dute Wimbledonen. Lehen txandako partidetan garaipenak lortu dituzte eta Gran Slam honetako bigarren txanda jokatzeko txartela eskuratu dute.
Arruabarrenak garaipena eskuratu du Ana Bogdanen aurka (6-1, 3-6 eta 8-6). Tolosakoak neurketa gogorra jokatu behar izan du, eta 2 ordu eta 6 minutu behar izan ditu errumaniarra gainditzeko.
Bestalde, Garbiñe Muguruza iazko txapeldunak arazo gehiegirik gabe irabazi dio Naomi Broadyri, bi setetan, 6-2 eta 7-5eko emaitzarekin.