Tenisa
Kroaziak irabazi du azken Davis Kopa klasikoa
Erredakzioa
Kroaziako selekzioak Frantziako taldeari irabazi dio finala. Formatu honetan jokatuko den azken Davis Kopa izan da aurtengoa.
Your browser doesn’t support HTML5 video
Kroaziak 2018ko Davis Kopa irabazi du, 1900. urtean sortu zenetik formatu honetan jokatu den azkena. Selekzio kroaziarrak bi entsalada-ontzi ditu jada palmaresean. Marin Cilic eta Borna Coric buru izan dituen taldea nagusitu da Frantziaren aurkako finalean, Lillen.
Frantziak lurrezko zelaia aukeratu zuen finala jokatzeko, Kroaziarentzat oztopo handiagoa izango zelakoan, baina ostiralean banakako bi partidak irabazi zituzten kroaziarrek; bat Cilicek eta bestea Coricek (0-2). Larunbateko binakako partidan Frantzia izan zen garaile (1-2), baina igandean, Cilicek puntu erabakigarria lortu zuen Tsongaren aurkako neurketa irabazita (1-3). Ondorioz, Kroazia txapeldun.