Davis Kopa
Nadal: 'Belgikak maila handiko jokalariak ditu eta zaila izango da'
Erredakzioa
Ostiral honetatik aurrera Belgikaren aurka jokatuko du Espainiak Charleroin. Nadalek arazo fisikoak gainditu dituela azpimarratu du.
Espainiak Belgikarekin neurtuko ditu indarrak ostiral honetatik aurrera Davis Kopan. Rafa Nadal hitzordu honi buruz mintzatu zen asteartean emandako prentsaurrekoan. Belgikak ''maila handiko jokalariak'' dituela esan eta irabaztea zaila izango dela gaineratu zuen. Manacorreko tenislariak arazo fisikoak gainditu dituela azpimarratu zuen.
Albert Costa Espainiako kapitainak ez du aurreratu partida bakoitzean nork jokatuko duen. Nadal, David Ferrer, Feliciano Lopez eta Fernando Verdasco Charleroin daude eta horregatik ''harro'' agertu zen Costa.