Larunbat honetan, zuzenean
Bera Berak markagailua irauli eta ezustea eman nahi du Europan, Corna Brasoven aurka
ERREDAKZIOA | EITB.EUS
Talde gipuzkoarrak erronka garrantzitsuari egin beharko dio aurre, larunbat honetan, Gascan, Corva Brasov talde errumaniarraren aurka EHF Kopan. Zuzenean, ikusgai, ETB1en eta eitb.eus atarian.
Super Amara Bera Beraren EHF Kopako artxiboko argazkia
Super Amara Bera Bera eskubaloi taldeak markagailua irauli eta ezustea eman nahi du Europan Corva Brasoven aurka, larunbat honetan, arratsaldeko 17:00etan, jokatuko duten norgehiagokan.
Talde gipuzkoarrak erronka garrantzitsu eta konplikatuari egin behar dio aurre, izan ere, joaneko partidan bost goleko aldearekin gailendu zen aurkaria, hortaz, emaitza hori iraultzeko asmoarekin bidaiatuko du Bera Berak Errumaniara. Hala ere, zaila izan arren, ezinezko denatik oso urruti dago eta hori ondo dakite talde gipuzkoarrekoek, duela urte batzuk 11 goleko aldea ere irauli baitzuten Europan.
Ikuskizuna ziurtatuta dago eta zuzenean izango da ikusgai ETB1en eta eitb.eus atarian.