Igandean
Hotza, euria eta txingorra, Behobia-Donostia lasterketaren egunean
eitb.eus
Euskalmeten iragarpenaren arabera, 33.000tik gorako parte-hartzailek negu giroa izango dute ibilbide osoan.
Euria lagun izango dute Behobia-Donostiako parte-hartzaileek ibilbide osoan. Argazkia: Efe.
Igandean eguraldiak okerrera egingo du, aurreko egunetakoarekin alderatuta. Noiznahi eta nonahi zaparradak botako ditu eta tarteka barra-barra botako du; ekaitzak jo eta txingorra ere egin lezake.
Ipar-mendebaldeko haizea zakartu egingo da eta boladaka oso gogor joko du kostaldean. Ipar-mendebaldeko haize zakarra ibiliko da, bolada oso gogorrekin, kostaldean eta mendi inguruetan.
Tenperatura maximoak jaitsi egingo dira eta 12 ºCra iritsiko dira kostaldean eta 8-9 ºCra barnealdean. Donostia aldean, zehazki, minimoa 7 gradukoa izango da, eta maximoa, 10ekoa.
Elur-kota 1000 m inguruan kokatuko da.