MENDI-LASTERKETA
Hiru Handiak proba urtero egingo da 2020tik aurrera
AGENTZIAK | ERREDAKZIOA
Proba bi urterik behin egin da orain arte, baina aldizkakotasuna aldatuko du, Manuel Iradier Elkartearen eta Ascentium enpresaren arteko akordioaren ostean.
Hiru Handiak probako zenbait parte hartzaile. Argazkia: ETB
Iraupen luzeko Hiru Handiak proba urtero egingo da 2020tik aurrera; izan ere, hori gauzatzeko lankidetza-akordioa sinatu dute kirol-probaren antolatzailea den Manuel Iradier Elkarteak eta kirol-ekitaldietan berezitua dagoen Arabako Ascentium enpresak.
Bi erakundeek prentsa-ohar baten bidez baieztatu dute Gorbeiako (1.431 metro), Anbotoko (1.331 metro) eta Aizkorriko (1.528 metro) tontorrak zeharkatzean dituen probaren aldizkakotasuna aldatu dutela.
1987an mendi-lasterketa sortu zenetik gaurdaino, Manuel Iradier Elkartea arduratu da proba antolatzeaz, bi urterik behin egin ere. Denbora horretan, mota horretako ibilbideetan ekitaldi aitzindari eta erreferente bihurtu da.
Ekitaldiz ekitaldi, hazi egin da eta hobekuntzak ezarri ditu, bai antolakuntzari dagokionez, bai parte-hartzaileen segurtasunari dagokionez.
Orain, beste urrats bat eman du, kirol-ekitaldiak antolatzeko sektorean berezitutako Ascentium enpresarekin egindako lankidetza-akordioari esker.
Jakinarazi dutenez, hitzarmenaren helburua da "probaren egungo posizionamendua mantendu eta goratzeko beharrezkoak diren baliabideak sendotzea" eta "proba urtero egitea, partaideek maiz helarazi duten eskaerei erantzunez".
2020an, lasterketa urriaren 17an korrituko da, eta bertan izen-emateko epe otsailaren 15ean irekiko da hiruhaundiak.com webgunean.