Gaur, 18:00etan
Bidasoak EHFko multzoen fasean sartzeko azken oztopoa gainditu behar du
eitb.eus
Gipuzkoarrek aurreko astean RK Nexeren kontra lortutako 30-27a defendatu beharko dute aurrera egiteko. Neurketa ETB4n y eitb.eus-en eskainiko da, zuzenean.
Bidasoa Irunek Europan jarraitzen du
Bidasoa-Irunek hil ala biziko partida du gaur Kroazian EHF Europa Ligako multzoen faserako txartela eskuratzeko.
Gipuzkoarrek RK Nexeren kontra neurtuko dituzte indarrak berriro ere aurreko astean Artalekun 30 eta 27 irabazi eta gero
Hiru goleko alde hori defendatu beharko dute Jacobo Cuetararen gizonek. Lehen zatian azpitik joan ziren markagailuan, baina azken hamar minutuetan egindako jokoak garaipena eman zion taldeari.
Bidasoa Irun gaur helduko da Kroaziara eta Cuetarak berak eta Iker Serrano kapitainak prentsaurrekoan esan bezala "garaipena lortzera" aterako dira kantxara sailkapena erdiesteko.
Jokalari guztiak prest izango dira jokatzeko Rodrigo Salinas eta Kauldi Odriozola jokalariak errekuperatu eta gero.