TOKIO 2020 | WATERPOLOA
Alberto Munarriz dominengatik lehiatuko da
AGENTZIAK | EITB MEDIA
Waterpoloko jokalari nafarra Espainiako selekzioarekin sailkatu da finalerdietarako.
Alberto Munarriz Serbiaren aurkako partidan. Argazkia: EFE
Alberto Munarriz nafarrak, Tokioko Olinpiar Jokoetan gizonezkoen Espainiako waterpoloko selekzioarekin lehiatzen ari denak, txapelketako finalerdietara sailkatzea lortu du. Izan ere, iruindarraren taldeak irabazi egin du AEBen aurka (8-12), Tatsumi Zentroan jokatu den final laurdenetako partidan.
Horrenbestez, Espainiak Serbia izango du aurkari datorren ostiralean jokatuko den finalerdian(12:50, Euskadiko ordutegia). Balkaniarrek 6-10 gainditu dute Italia euren arteko final-laurdenetako norgehiagokan.
Bi taldeak dagoeneko aritu dira elkarren aurka Tokion. Ligaxkako lehen neurketan neurtu zituzten indarrak, eta orduko hartan Espainia nagusitu zen 13-12.
Fitxa teknikoa:
Ameriketako Estatu Batuak 8: Wolf (atezaina); Hooper (-), Cupido (1), Hallock (1), Woodhead (-), Bowen (1), Irving (-) -hasierako bostekoa- Vavic (-), Obert (2), Daube (3), Stevenson (-) eta Smith (-).
Espainia 12: López Pinedo (atezaina), Munarriz (2), Granados (2), De Toro (1), Larumbe (-), Famera (-), Perrone (1) -equipo inicial-, Sanahuja (2), Fernández Miranda (2), Tahull (1), Mallarach (1) eta Bustos (-).
Partzialak: 3-3, 3-3, 0-1 eta 2-5.