EUROPA LIGA
GOG Danimarkako taldea, Bidasoaren aurkaria Europako Ligako final-zortzirenetan
AGENTZIAK | EITB MEDIA
Joanekoa Artalekun jokatuko da martxoaren 29an, eta itzulikoa, Danimarkan apirilaren 5ean.
Bidasoako jokalariak garaipen bat ospatzen. Argazkia: EITBren bideo batetik hartutako irudia
Bidasoa Irunek Danimarkako Gudme Oure Gudbjerg (GOG) taldearen aurka jokatuko du EHFren Europa Ligako final-laurdenetarako txartela emango duen Lfinal-zortzirenetako kanporaketa. Joanekoa Artalekun jokatuko da, martxoaren 29an, eta itzulikoa Danimarkan, astebete geroago.
GOG taldeak B multzoko lehen postuan amaitu zuen, HBC Nantesek SL Benficaren aurka galdu ondoren (30-31), Danimarkako taldeak lehen postu hori zuzenean ziurtatzeko aukera galdu baitzuen Alemaniako TBV Lemgoren aurka galduta (39-35).
Lehen postu horrek A multzoko laugarren sailkatuarekin gurutzatzea ekarri dio, azken jardunaldian Fenix Toulouseren aurka 26-26 berdindu zuen Bidasoarekin, hain zuzen.
GOG taldeak zazpi garaipen, berdinketa bat eta bi porrot izan ditu multzoen fase honetan; porrotak TBV Lemgoren aurka aipatutakoa eta Alberto Entrerriosen taldearen aurka Nantesen 27-24 galduta jasan zituen, eta berdinketa Danimarkan lortu zuen (29-29).
Irungo taldeak apirilaren 5ean jokatuko du lehen aldiz Danimarkan, nahiz eta Europako txapelketan hiru aldiz jokatu duen herrialde horretako taldeen aurka. Izan ere, hirutan jokatu du Virum Sorgenfriren aurka: alabaina, kasu guzti horietan guztietan Artalekun jokatu ziren partidan, eta denetan nagusitu zen Gipuzkoako taldea.
