Roland Garros
Mosketarien Kopa berriz altxatzeko bidea erraz hasi du Nadalek
Erredakzioa
Bigarren partidarako txartela lortu du Mallorcako tenislariak Simone Bolelli Italiako jokalaria hiru setetan mendean hartu eta gero (6-2, 6-2 eta 6-1).
Rafa Nadal Espainiako tenislaria. Argazkia: EFE
Roland Garrosen, denboraldiko bigarren 'handian', bigarren neurketa jokatzeko eskubidea irabazi du gaur Rafa Nadal Espainiako tenislariak. Simone Bolelli Italiako jokalaria hiru setetan mendean hartu du. Mallorcako izarra 6-2, 6-2 eta 6-1 nagusitu da.
Mosketarien zazpi kopa irabazten dituen aurreneko tenislaria izan nahi du Manacorreko gazteak. Lehen partidan ez du esfortzu handirik egin behar izan, baina zalantzaren bat sortu du bigarren setean, hiru joko jarraian jasotzeko zorian izan baita.