TENISA
Djokovicek Ruud garaitu, eta seigarren Maisuen Kopa eskuratu du
AGENTZIAK | EITB MEDIA
Bi setetan (7-5 eta 6-3) garaitu zuen tenislari novegiarra, eta tenisaren historiako sari ekonomiko handiena eskuratu zuen: ia bost milioi euro.
Casper Ruud eta Novak Djokovic. Argazkia: EFE
Novak Djokovic serbiarrak 2022ko ATP Finala bereganatu zuen igande honetan, Casper Ruud norvegiarrari 7-5 eta 6-3 irabazita Turingo Alpitour Palan jokatutako finalean.
Horrenbestez, 'Nole'k seigarren aldiz altxatu zuen Maisuen Kopa, eta Roger Federer suitzarrarekin berdindu du garaikur gehien lortu dituzten tenislarien zerrendan. Gainera, tenisaren historiako sari ekonomikorik handiena poltsikoratuko zuen, ia bost milioi euro lortuta.
Belgradeko tenislariak ordu eta erdian azpiratu zuen Ruud. Hala, tenislari norvegiarrak aurtengo denboraldiko hirugarren final handia galdu zuen Roland Garros eta US Open txapelketen ondoren, baina berriro ere garaipenetik gertu geratu zen.