ESKUBALOIA
Dariel Garcia kubatarrak kontratua berritu du Bidasoa Irunekin 2024ra arte
AGENTZIAK | EITB MEDIA
Nazioarteko jokalariak 66 partida ofizial jokatu ditu guztira talde gipuzkoarrarekin.
Dariel García. Argazkia: @CDBidasoaIrun
Bidasoa Irun taldeko Dariel Garciak denboraldi baterako berritu du kontratua Gipuzkoako taldearekin eta Artalekun jarraituko du 2024ko ekainera arte.
Nazioarteko jokalaria duela bi denboraldi iritsi zen Guadalajara taldetik, eta orain arte 66 partida ofizial jokatu ditu kamiseta horiarekin. Gainera, 105 gol sartu ditu Asobal Ligan eta 17 Europa Ligan.
1,97m-ko altuerarekin, Dariel Espainiako txapelketako muturrik altuenetako bat da, eta duela gutxi ere kontratua berritu duten Mikel Zabalarekin (2026), Iñaki Caverorekin(2025) eta Matheus Da Silva brasildarrarekin (2024) jarraituko du taldean.