Eskubaloia
Zuazo Ohorezko Mailara igo da
EITB Media
Barakaldoko taldea igoera faseko hiru partidetan nagusitu da, eta maila gorenean lehiatuko da datorren denboraldian.
Zuazo Ohorezko Mailara igo da. Argazkia: @CbmZuazo
Zuazo Ohorezko Mailara igo da. Barakaldoko taldeak Lanzaroten jokatutako igoera faseko hiru partidak irabazita lortu du maila gorenera itzultzea, eta onenekin lehiatuko da datorren denboraldian.
Maiatzaren 17an, ostiralean, Zuazok garaipena bereganatu zuen Zonzamas PlusCar Lanzaroteren kontra 31-25eko emaitzarekin. Larunbatean, maiatzaren 18an, Barakaldoko taldeak San Jose Obrero menderatu zuen (31-34).
Igandean, maiatzaren 19an, igoera bermatu du Zuazok; izan ere, play-offeko ligaxkako hirugarren jardunaldiko norgehiagokan, 27-23 menderatu du Adesal Cordoba. Ondorioz, Zuazok Ohorezko Mailara igotzea lortu du.