Tenisa
Alcarazek irabazi du 2024ko Roland Garros, finalean Zverev menderatuta
EITB Media
Carlos Alcarazek lehenengoz irabazi du Frantziako Grand Slama. Alexander Zverev garaitu du finalean, bost setetan; 3-6, 6-2, 7-5, 1-6 eta 2-6.
Carlos Alcaraz, 2024ko Rolnd Garroseko txapelduna, garaikurrarekin. Argazkia: EFE
Carlos Alcarazek irabazi du 2024ko Roland Garros. Murtziako tenislariak bost setetan menderatu Alexander Zverev finalean: 3-6, 6-2, 7-5, 1-6 eta 2-6. Ondorioz, lehen aldiz irabazi du Frantziako Grand Slama.
Finaleko lehen setean aise nagusitu da Alcaraz (3-6), baina bigarrenean jaun eta jabe izan da Zverev (6-2). Hirugarren seta oso parekatua izan da, eta alemanak poltsikoratu du (7-5). Maldan gora jarri zaio partida espainiarrari; hala ere, laugarren seta irabazita (1-6), bosgarrena behartu du. Set erabakigarrian, 2-6 nagusitu da Carlos Alcaraz, eta garaipena erdietsi du horrela.
Guztira, hiru Grand Slam ditu palmaresean Alcarazek: 2022ko US Open, 2023ko Wimbledon eta 2024ko Roland Garros.