Maialen Chourraut kayak-kroseko final-laurdenetarako sailkatu da, eta Miren Lazkano kanporatu egin dute

Maialen Chourrautek Parisko 2024ko Olinpiar Jokoetako kayak-kroseko final-laurdenetarako txartela lortu du. Miren Lazkanok, berriz, ezin izan du lehen seriean eman zuen erakustaldia errepikatu, eta hirugarren sailkatu da.

Chourrautek hiru aurkari oso gogorrak izan ditu bere multzoan: Jessica Fox australiarra (birritan txapeldun olinpiko izandakoa), Noemie Fox australiarra (Jessicaren ahizpa) eta Martina Wegman herbeheretarra (Tokioko Jokoetan zazpigarrena eta Munduko Kopan hainbat podium dituena).

Lasartearra oso azkarra izan da lasterketan, eta ia hasieratik bigarren postuan kokatu da, Noemie Foxen atzetik. Wegman hirugarrena izan da, eta Jessica Fox sailkatu da laugarren.

Final-laurdenak astelehenean izango dira, 15:30ean, Vaires-sur-Marne herriko kanalean.