Paris 2024
Maayouf hamazazpigarren izan da Olinpiar Jokoetako maratoian
EITB Media
Majida Maayoufek hamazazpigarren amaitu du Parisko 2024ko Olinpiar Jokoetako maratoia, 2 ordu, 28 minutu eta 35 segundoko markarekin. Sifan Hassan nagusitu da.
Majida Maayouf, 2024ko Parisko Olinpiar Jokoetako maratoian. Argazkia: EFE
Majida Maayoufek hamazazpigarren postuan amaitu du Parisko 2024ko Olinpiar Jokoetako maratoia, 2 ordu, 28 minutu eta 35 segundoko markarekin. Sifan Hassan nederlandarra nagusitu da, errekor olinpikoa ezarrita: 2 ordu, 22 minutu eta 55 segundo. Hamahiru segundo hobetu du orain arteko marka (02:23:07).
Tigist Assefa etiopiarra sartu da bigarren (02:22:58), hiru segundora, eta zilarrezko domina lortu du. Hassan esprintean nagusitu zaio Assefari. Brontzezko domina, berriz, Hellen Obiri kenyarrak eskuratu du (02:23:10).