Eskubaloia
Bera Berak Zuazo Barakaldoren aurkako derbia irabazi du gorantz jarraitzeko (28-24)
EITB MEDIA
Partida liskartsua izan da eta lehen zatian lortutako abantailak garaipena lortzeko balio izan die gipuzkoarrei.
Bera Bera vs Zuazo Barakaldo.
Super Amara Bera Berak 28-24 irabazi dio Zuazo Barakaldori ostiral honetan Guerreras Iberdrola Ligako 10. jardunaldiko euskal derbian.
Bizkaitarrak izan dira lehenak gola sartzen, baina jarraian sartutako lau golek jokoaren gidoia eman diete etxeko jokalariei, eta 60 minutuetan aurretik mantentzen jakin dute.
Zuazok ez du inoiz amore eman, presioa ere sartu du bi goleko distantziara jarriz, baina hiru goleko beste bi partzialek Bera Bera atsedenaldira aurretik joatea ekarri dute, bost goleko aldearekin (15-10).
Bigarren zatia ere oso parekatuta hasi da, baina 6-0eko partzial batek gipuzkoarren alde utzi du partida 15 minutura, Zuazoren itxaropenak zapuztuz.
Hala ere, bisitariek ez dute amore eman eta 0-4ko partziala lortu dute berriro bost golera jartzeko. Baina bost minutu baino ez ziren geratzen eta Bera Bera lasai egon da erasoan, denbora pasatzen utzi eta derbia irabazteko (28-24).