Lazkanok eta Echanizek urrea irabazi dute, eta Chourrautek brontzea, piraguismoko Munduko Kopan

Miren Lazkanok eta Pau Echanizek urrezko domina irabazi dute, eta Maialen Chourrautek brontzea, Pauen, munduko kopako bigarren proban.

Donostiako piraguista, zilarra C1 modalitatean Seu d'Urgellen jokatutako aurreko proban eta bosgarrena modalitate berean larunbat honetan, bigarren izan da final-zortzirenetan, eta jaitsiera onena egin du final laurdenetan eta finalerdietan. Finalean berriro nagusitu da, Chiara Sabattini italiarraren eta Chourrauten aurretik.

Gizonezkoetan, Pau Echanizek irabazi du, final zortzirenetan, laurdenetan eta finalerdietan bigarren izan ondoren. Finalean, Matyas Novak txekiarra, Mathurin Madore frantziarra eta David Llorente gainditu ditu.