Jon Pacheco baja izango da Alavesen, ezker sorbaldako lotailuak hautsi baititu

Jon Pacheco Alaves taldeko erdiko atzelariak ezingo du jokatu hurrengo asteetan, Rayoren kontrako neurketan min hartu baitzuen ezker sorbaldan. 

Atzelari zuri-urdinak ezker sorbaldako lotailuak hautsi zituen. Ez diote ebakuntzarik egingo, eta osatzeko tratamendua hasi du. Garapenaren arabera erabakiko dute zenbat denbora behar duen. 

Futbolari nafarra lurrera erori zen Rayo Vallecanoren kontrako norgehiagokan, Antonio Sivera atezainarekin talka egin ostean, eta orduan hartu zuen min, atsedenaldiaren atarian.