Osasun-partea
Maripan eta Ibai, min hartuta
Erredakzioa
Defentsa txiletarrak 1-2 graduko bihurritua du ezker hankako orkatilan. Euskal erdilariak, aldiz, distentsioa du eskuin hankako iskiotibialean.
Maripan lesionatzen den unea Reala - Alaves partidan. Argazkia: EFE
Alaveseko jokalariak diren Guillermo Maripan eta Ibai Gomez lesionatu egin ziren Realaren aurka lortutako garaipenean (1-2), Zarautzen. Arabako taldeko osasun-parteak dioenez, Maripanek "1-2 graduko bihurritua du ezker hankako orkatilan" eta eboluzioaren zain geratzen da.
Ibai Gomezek, aldiz, "distentsioa du eskuin hankako iskiotibialean" eta erresonantzia magnetikoa egingo diote datozen 48 orduetan. Maripan eta Ibai ez dira min hartuta dauden jokalari bakarrak, Rodrigo Ely ere lesionatuta baitago.