FITXAKETAK
Darko Brasanac Alavesen arituko da, utzita
eitb.eus
Erdilari serbiarra Betisetik helduko da Gasteizera denboraldi baterako. Joan zen denboraldian Leganesen aritu zen.
Darko Brasanac, Alavesen azken fitxaketa. Argazkia: @Alaves
Alavesek Darko Brasanac erdilaria fitxatu du denboraldi honetarako. Betisek utzita jokatuko du serbiarrak Gasteizen.
Partizan Belgrad taldean hazitako jokalariak 26 urte ditu, eta 2016an iritsi zen talde andaluziarrera. Denboraldi hartan, 25 aldiz jantzi zuen Betisen elastikoa; joan zen denboraldian, ostera, Leganesen egon zen utzita. Madrilgo taldearekin 23 partida jokatu zituen eta bi gol lortu.