LESIOA
Jony Rodriguez zenbait astez egongo da zelaietatik kanpo
AGENTZIAK | ERREDAKZIOA
Hegaleko asturiarrak bihurritua dauka eskuineko orkatilan.
Jony Rodriguez, Celtaren aurkako norgehiagokan. Argazkia: EFE
Jony Rodriguez Alaveseko jokalaria min hartuta dago, eta ezin izango du jokatu zenbait astetan. Izan ere, eskuin hankako orkatila bihurritu zuen joan zen asteazkeneko entrenamenduan.
Alavesek plazaratu duen osasun-txostenean ageri denez, erdilariak "bigarren graduko bihurritua dauka eskuineko orkatilan".
Momentuz tratamendu kontserbadorea jasoko du, eta klubeko medikuek egunetik egunera ikusiko dute nola doan sendatze-prozesua. Alabaina, zantzu guztien arabera, aste batzuk beharko ditu sendatzeko.