Sestao River, Alaves B eta Portugalete Bigarren B Mailara igotzeko finalean dira

Sestao River, Alaves B eta Portugalete Bigarren B Mailan jokatzeko finalean izango dira, kanporaketa gainditu baitute. Mutilverak, aldiz, galdu egin du, eta, beraz, igoeraren ametsak ihes egin dio.

Sestao River finala jokatzeko sailkatu da Poblense 3-1 garaituta, Victor Monteirok, Villarrek eta Ander Pachecok lortutako golen bitartez. Beraz, 4-2ko markagailu orokorrarekin sailkatu da River.

Bestalde, Alaveseko filiala ere izango da finalean, 1-0 menderatu baitu Escobedo. Gasteizko taldeak ondo babestu du 80 minutuan Adrian Plazak partidaren 10. minutuan lortutako gola.

Portugalete ere iritsi da finalera. Izan ere, bizkaitarrek etxean Alondrasen aurka jokatuko partida 1-1 bukatu da. Joaneko partidan lortutako emaitzak eman dio sailkapena Carlos Docandoren taldeari, 3-2ko markagailu orokorrarekin.

Mutilverak, aldiz, 2-0 galdu du Luancoren aurka, nahiz eta partida ona jokatu, eta finaletik at geratu da. Nafarroako taldeak erasoari ekin dio, baina, hala ere, Asturiasko taldeak ondo babestu du partida hasieran lortutako abantaila, eta partida amaieran itxi du kanporaketa.

Horrenbestez, hiru euskal talde izango dira Bigarren B Mailara igotzeko finalean: Sestao River, Alaves B eta Portugalete.

Play-offeko emaitzak
Larunbata, ekainak 15
Sestao-River vs Poblense		3-1 (4-2)
UM Escobedo vs Alaves B		0-1 (1-4)
Gimnnastica Segoviana vs VILLARROBLEDO		0-1 (1-3)
Igandea, ekainak 16
Portugalete vs Alondras		1-1 (3-2)
Luancoko Marina vs Mutilvera		2-0 (2-0)
LEALTAD VILLAVICIOSA vs Formentera		3-0 (3-1)
LA NUCIA vs Arandina		1-0 (2-2)
ZAMORA vs Alcobendas		0-0 (2-0)
Tamaraceite vs AE PRAT		0-1 (0-1)
CADIZ B vs Numantzia B		1-0 (1-0)
Bergantiños vs VILLARRUBIA		2-1 (2-3)
Real Jaen vs ALGECIRAS		0-2 (0-3)
MALLORCA B vs Utrera		2-1 (2-1)
Logroñes vs LAS ROZAS		1-1 (1-1)
LINARES DEPORTIVO vs Moralo		2-0 (2-2)
Lorca Deportiva vs UNION VIERA		2-1 (2-2)
SOCUELLAMOS vs Union Mostoles		2-0 (3-2)
TARAZONA vs El Palo		1-0 (2-2)