FITXAKETA
Aleksandar Sedlar atzelariak Alavesen defentsa indartuko du
AGENTZIAK | EITB MEDIA
31 urteko jokalari serbiarra Mallorcatik helduko da Gasteizera, eta bi denboraldirako sinatu du Arabako taldearekin.
Aleksandar Sadlar. Foto: @Alaves
Aleksandar Sedlarrek Alavesen defentsa indartuko du hurrengo bi denboraldietan, Mallorcarekin zeukan kontratua amaitu ondoren.
31 urteko atzelari serbiarra hainbat tokitan jokatzeko duen ahalmenarengatik nabarmentzen da; izan ere, atzealdeko erdiko lerroan distira egin duen arren, Balkandarrak zelai erdian ere jardun du.
Bere herrialdeko taldeetan hazi ostean, 2016ko udan egin zuen nazioarteko jauzia, Poloniako Piast Gliwice taldearekin fitxatu zuenean.
Azken hiru denboraldietan, Mallorcaren elastikoa defendatu du. Bertan, 45 partida jokatu ditu Lehen Maila, Bigarren Maila eta Errege Koparen artean.
Horrela, Sedlarrek Luis Garcia Plaza entrenatzailearekin bat egingo du berriro Alavesen, maila berreskuratzeko helburuarekin.