LESIO LARRIA
Sedlarrek hautsita dauka ezkerreko hankako lotailu gurutzatua
AGENTZIAK | EITB MEDIA
Alaveseko erdiko atzelari serbiarrak zelaia utzi behar izan zuen min hartuta iragan igandean, Almeriaren aurka jokatutako partidan, eta ebakuntza egin beharko diote.
Aleksandar Sedlar, joan zen denboraldian Alavesekin jokatutako partida batean. Argazkia: EFE
Aleksandar Sedlar Alaveseko atzelariari ebakuntza egin beharko diote, astelehen honetan Gasteizko taldeak jakitera eman duenez. Jokalari serbiarrak min hartu zuen joan zen igandean, Mendizorrotzan, UD Almeriaren aurka jokatutako partidan (1-0), eta zelaia utzi behar izan zuen, ohatilan.
Gasteizko taldeak argitaratutako oharraren arabera, jokalariak "hautsita du ezker hankako lotailu gurutzatua, eta haustura partziala du barneko meniskoan". Hori dela eta, ebakuntza egin beharko diote.