Fitxaketa
Alavesek defentsa sendotu du Moussa Diarraren fitxaketarekin
AGENTZIAK | EITB MEDIA
23 urteko frantziarra nazioarteko jokalaria da Maliko selekzioarekin, eta balio anitzeko jokalaria izateagatik nabarmentzen da, ezker hegalean eta erdiko atzelari gisa jardun dezakeelako.
Moussa Diarra. Argazkia: Alaves
Alavesek defentsa sendotu du Moussa Diarraren fitxaketarekin, 2028ra arte sinatu baitu kontratua talde gasteiztarrarekin.
23 urteko frantziarra nazioarteko jokalaria da Maliko selekzioarekin, eta balio anitzeko jokalaria izateagatik nabarmentzen da, ezker hegalean eta erdiko atzelari gisa jardun dezakeelako.
Diarra Frantziako Ligatik dator, bere ibilbide profesional osoa Toulousen egin ondoren.
Frantziako maila gorenean 54 partida jokatu ondoren debutatuko du Espainiako Ligan.
Alavesen laugarren fitxaketa ostiral honetan hasiko da entrenatzen Arabako taldearekin.