Lagapena
Hugo Rincon Athleticen jokalaria Gironan arituko da 2025-26 denboraldian, utzita
EITB
Euskal klubak eta Gironak adostutako akordioa astearte gauean baieztatu dute ofizialki; horretan, "konpentsazio ekonomikoa eta penalizazioak jasotzen dira, parte ez hartzeagatik", zehaztu du Athleticek.
2024-25 denboraldian, Hugo Rinconek Mirandesen jokatu zuen. Argazkia: Europa Press.
Hugo Rincon Athleticen futbolariak Gironan jokatuko du 2025-26 denboraldian, utzita, Bilboko klubak astearte gauean baieztatu duenez. Euskal taldeak eta Gironak adostutako akordioa astearte gauean baieztatu dute ofizialki; horretan, "konpentsazio ekonomikoa eta penalizazioak jasotzen dira, parte ez hartzeagatik", zehaztu du Athleticek.
Hugo Rincon, 22 urtekoa bera, eskuin hegaleko atzelaria da, eta 2028ra arte du kontratua Bizkaiko klubarekin. 2024-25 denboraldian, Mirandesen aritu zen, utzita, eta ondo ibili zen egun Osasunan den Alessio Lisci entrenatzailearen aginduetara.