Lezaman
Ibai Gomezek eta Amorebietak entrenatu ezinik jarraitzen dute
Errekazioa
Santutxuko jokalariak eta Iurretako zentralak lesionaturik jarraitzen dute, eta "badaezpada", ez dute lan saioa egin.
Ibai Gomez. Athletic: EFE
Ibai Gomezek eta Fernando Amorebietak ez dute entrenamendua taldekideekin egin, baina Getaferen aurka jokatzeko prest egongo direla dirudi. Athleticek larunbatean partida garrantzitsua jokatuko du Getaferen kontra, Alfonso Perez estadioan, eta Bielsak ez du lan saioan hamaikakoaren inguruan pistarik eman.
Amorebietak bi lesio ditu, ezker belaunean eta ezker izterrean, baina Venezuelarekin 2014ko Munduko Txapelketarako sailkatze partidak jokatzkeo prest egongo dela dirudi. Ibai Gomezek pubisean eta aduktorean mina du, eta "badaezpada" ez du entrenamendua taldekideekin egin.
Gainera, Carlos Gurpegik Iñigo Ruiz de Galarretak eta Iñigo Perezek euren berreskuratze lanekin jarraitzen dute, Xabi Clemente prestatzailearen aginduetara.