38 puntu
Athleticek sei puntura du jaitsiera
Erredakzioa
Zaragozak Rayo Vallecanoren aurka lortutako garaipenaren ostean (3-0), sei puntura kokatu du talde zuri-gorria. Denboraldia bukatzeko lau jardunaldi geratzen dira.
Athleticek sei puntura du jaitsiera. Argazkia: EFE
Jaitsiera sei puntura du Athleticek, Zaragozak Rayo Vallecanoren aurka lortutako garaipenaren ostean (3-0). Deportivo dago une honetan, 32 punturekin, jaitsierako aurreneko postuan. Osasunak eta Zaragozak 33 puntu bana dituzte, eta Granadak 35.
Denboraldia bukatzeko lau jardunaldi geratzen direnean, zuri-gorriek hil edo biziko partida jokatuko dute larunbatean (16:00), etxean, Mallorca azken sailkatuaren aurka.
Ondoren, 36. jardunaldian, Zaragozari egingo dio bisita Bielsaren taldeak, eta 37.ean Levante hartuko du, San Mamesen jokatuko duen azken neurketan. Denboraldia Vallecasen itxiko du Athleticek.