Mallorcaren kontra
Zuri-gorriak, lasaitasunaren bila
Erredakzioa
Marcelo Bielsak hamaikakoa baieztatu zuen ostegunean, eta aldaketa bakarra Ander Herreraren itzulera izango da. Giroa bikaina izango da San Mamesen.
Athleticen artxuboko irudia. Argazkia: EFE
Athleticek Mallorca hartuko du larunbat honetan San Mamesen (16:00), BBVA Ligako 35. jardunaldiko partidan. Hiru puntuak lortzen badituzte, lehen mailari eutsiko diote zuri-gorriek, ia matematikoki. Baina Mallorcak ere garaipena behar du, eta beraz, partida zirraragarria izango da.
Garaipena lortzekotan, lasaitasunez ekingo lioke Athleticek denboraldi amaierari (41 puntu). Celtak eta Mallorcak ezin izango lukete Bilboko taldea gainditu, eta jaitsierarekin sei puntuko aldea izango luke Athleticek.
Azken hiru partidetan erakutsitako jokoa ona izan da, baina puntuak eskasak. Marcelo Bielsak hamaikakoa baieztatu zuen ostegunean, eta aldaketa bakarra Ander Herreraren itzulera izango da, Iturrasperen ordez.
Ostiral honetan salgai jarritako sarrera guztiak agortu dira, eta giroa, beraz, bikaina izango da San Mamesen.
Ustezko hamaikakoak:
Athletic: Iraizoz; Iraola, San Jose, Ekiza, Aurtenetxe; Gurpegui, De Marcos, Herrera; Susaeta, Aduriz eta Muniain.
Mallorca: Aouate; Hutton, Ximo, Geromel, Kevin, Víctor, Martí, Tissone, Pina; Dos Santos eta Hemed.
Epailea: Hernandez Hernandez.
Futbol-zelaia: San Mames.
Ordua: 16.00.