Entrenatzaile berria
Valverde ostiralean helduko da
Erredakzioa
Txingurri fitxatu duela iragartzea izango da talde zuri-gorriaren hurrengo pausoa. ETBk aurreratu duenez, aste honetan helduko da Bilbora.
Ernesto Valverde. Argazkia: EFE
Litekeena da aste honetan Athleticen gauza asko argitzea.
Marcelo Bielsak ez duela Bilbon jarraituko jakinarazi zuen Josu Urrutia presidenteak, eta erabaki horrek asko hurbildu zuen Ernesto Valverde Athleticera. Txingurri fitxatu duela iragartzea izango da talde zuri-gorriaren hurrengo pausoa.
Bestalde, hurrengo egunetarako, Beñat Betiseko jokalariaren eta Athleticen arteko akordioa ixtea ere espero da. Ageriko sekretua da Igorrekoa San Mamesetik oso gertu dagoela.