Prentsaurrekoa
'Exijitu egiten zaigu lehen zazpien artean egoteko gaitasuna dugulako'
Erredakzioa
Hala ere, Ander Herrerak zuhurtzia eskatu du: "Denboraldia luzea da, baina polita da jendeak ilusioa edukitzea".
Your browser doesn’t support HTML5 video
Ander Herrera Athleticeko jokalariak onartu egin du taldeari "exijitu" egin behar zaiola Athleticek sailkapeneko "lehen zazpien edo seien artean" egoteko gaitasuna duelako. Horretarako, zuri-gorriek kanpoan jokatzen duten partidetan hobetu egin behar dutela azpimarratu du.
"Geure buruari exijitzen dion taldea gara, eta kanpoan garaipenak lortzea da Europarako sailkapena eman behar diguna", esan du Herrerak Athleticek Lezaman ateak itxita egindako entrenamenduaren ostean.
"Taldeari zuhurtzia eskatzen diot; izan ere, iza Txapeldunen Liga aipatu eta kolpea hartu genuen liga amaitzeko hiru jardunaldi falta zirenean bigarren mailara jaisteko arriskuan geundelako. Zuhurrak izan behar dugu, denboraldia luzea da, baina jendeak ilusioa edukitzea polita da", azaldu du jokalariak.