Balaidos
Susaetak polemika ahaztu nahi du eta Celta baino ez du buruan
Erredakzioa
Athleticeko jokalariak uste du indartuta atera direla Real Madrilen aurkako berdinketatik, laugarren postuan mantentzeari begira.
Markel Susaeta.
Markel Susaetaren arabera, Athleticeko jokalariak igandeko aurkaria, Celta, dute buruan, eta Cristiano Ronaldoren txartel gorriaren "polemika" ahaztua dutela esan du. "Ez dugu asko hitz egin aldagelan. Gure jokoan eta Celtan jarri nahi dugu arreta, ez polemikan", esan du Susaetak.
Ernesto Valverde Celtaren kontrako partida prestatzen ari da, Gaizka Toquero, Borka Ekiza eta Iñigo Perezik gabe. Igandean Balaidosen jokatuko du Athleticek, Errege Kopan galdu zuen zelaian, hain zuzen.
Aurrelariaren arabera, taldeak sendo jokatu behar du: "Egia da goian dauden taldeen kontra aurrez aurre jokatzen duzunean, sendotuta irtetzen zarela. Orain laugarren postuan mantendu behar gara, eta horretarako bukaera arte sendo egon behar gara eta etxetik kanpo puntuak lortu behar ditugu.