Lezamara itzuli da
Aduriz 'pozik' dago pubis ebakuntzaren osteko sentsazioekin
Erredakzioa
Soilik bost egun pasa dira Athleticeko aurrelaria Munichen operatu zutenetik.
Aduriz, Susaetarekin gol bat ospatzen / EFE.
Aritz Aduriz, Athleticeko jokalaria, 'sentsazioekin pozik' dago, Munichen Ulrik Muscheck doktoreak pubis ebakuntza egin eta bost egunera.
"Operazio bera izan duten taldekideek eboluzioa egunero nabaritzen dela esan didate, eta horrela sentitzen ari naiz. Gauzak oso ondo doaz, eta honela jarraitzea espero dut", esan du Adurizek. Jokalaria Lezamara joan da oinez ibiltzera eta Athleticeko medikuek ikus dezaten.
Adurizen helburua denboraldi-aurrearen hasierara "osotasunean heltzea" da. Uztailaren 7an hasiko dira entrenatzen Athleticeko jokalariak. "Ziur aski, nire oporrak besteenak baino laburragoak izango dira, baina ondo hasteko gogoak ditut, denboraldi-aurrera ahalik eta hoberen heltzeko asmoz", gehitu du.