Fitxaketa
Borja Viguerak osasun azterketak igaro ditu
Erredakzioa
Athleticen aurrelari berriari osasun azterketak egin dizkiete, Ibaiganeko aurkezpena baino lehen.
Borja Viguera / IMQ.
Borja Viguera, Alaveseko goleatzailea eta Adelante Ligako pitxitxia, 12:30etan aurkeztuko du Athleticek Ibaiganen. Albistea, ETBk aurreratua, Bilboko taldearen fitxaketa berria baieztatu du.
25 gol sartu ditu Viguerak babazorroekin, eta Bigarren Mailako goleatzaile nagusia izan da, bere taldea azken momentura arte salbazioaren borrokan murgilduta egon arren.
Logroñoko futbolariak Realeko lehen taldean jokatu zuen, eta 2010eko abuztuaren 29an egin zuen debuta BBVA Ligan. Hala ere, ez zuen denboraldi ona izan, eta beste aukera izango du orain Lehen Mailan Athleticekin.
Alavesek eskerrak eman dizkio futbolariari eta zortea opa dio, Borja Viguera eta Fernandez de Troconiz presidentearen arteko argazki honekin.
Argazkia: @ALAVESSAD / Twitter.