Iraola:'Puntu asko lortzeko, partidak ondo jokatu behar ditugu'

Ostegun honetako prentsaurrekoan Andoni Iraolak, Athleticeko jokalariak azaldu duenez, ligako azken jardunaldiko partidan Almeriaren aurka irabazteak ekarri zuen pozak ez du bolada txar hau estaltzen, zurigorriak puntuak "derrigorrez" behar baitituzte. Eta, horretarako, Iraolak dioenez, “zenbait partida on jarraian egin behar ditugu” eta bizi duten egoera latz honi aurre egin, bai Ligan, baita Txapeldunen Ligan ere.

"Almeriako garaipena ezinbestekoa izan zen, baina horrekin soilik, ez da gure egoera aldatzen", adierazi du jokalari zurigorriak gaur Lezaman egindako lan saioaren ondoren.

Andoni Iraolak azaldu duenez, Athleticeko historian partida gehien jokatu dituenen artean, bosgarren postua berea izatea buru-estima izugarria da. Izan ere,  Almeriako partidaren ondoren José María Orue handiaren gainditzea lortu du Iraolak.