Hauteskundeak
Urrutia da presidentetzarako hautagai bakarra
Erredakzioa
Urrutiarena izan da, ezarritako epean, aurkeztutako hautagaitza bakarra.
Urrutia (ezkerra) eta Andrinua. Argazkia: EFE
Josu Urrutia da Athleticeko presidentetzarako hautagai bakarra, berarena baita, ezarritako epean, aurkeztutako hautagaitza bakarra, klubak jakinarazi duenez.
Gauzak horrela, hautagaitzaren jakinarazpena martxoaren 12an egingo da, 18:00etan, behin aurkeztutako "abalak egiaztatuta".
Ondoren, klubeko 77. artikuluaren arabera, bozketarik gabe izendatuko da hautagaitza hori klubeko zuzendaritza batzorde gisa. Beraz, ezustekorik ezean, egun horretan izendatuko dute Josu Urrutia Athleticeko presidente.