Uztailaren 11tik aurrera
Athleticek Lezaman egingo du denboraldiaurrea
Erredakzioa
Talde zuri-gorriak ez du kanpoan stagerik egingo eta Lezamako kirol instalazioetan osatuko du denboraldiaurrea, uztailaren 11n hasita.
Valverde, entrenamendu baten aginduak ematen. Argazkia: EiTB
Athleticek astelehen honetan jakinarazi du ez duela kanpoan kontzentraziorik egingo 2016-2017. denboraldiaurrean eta, ondorioz, uztailaren 11tik aurrera Lezaman egingo dituzte entrenamenduak.
Klubaren kanal ofizialetan iragarri dutenez, "ez dago kontzentraziorik aurreikusita" eta taldeak "denboraldiaurreko partidak jokatzeko soilik bidaituko du". Denboraldiaurreko partiden xehetasunak datozen egunetan publikatuko dituela esan du Athleticek.
Ernesto Valverde entrenatzaileak uztailaren 11rako deitu ditu lehen taldeko jokalariak. Igande horretan, 10:30ean, "taldeko argazkia aterako da ondoren jokalariak multzo ezberdinetan banatu eta entrenamenduak eta froga medikuak egingo dira".
dira".