2016-2017. denboraldiaurrea
Gilek, Vesgak eta Yeraik denboraldiaurrea egingo dute Athleticekin
Erredakzioa
Klub zuri-gorriak jakinarazi duenez, hiru jokalari hauek lehen taldearekin egingo dute denboraldiaurrea. Felipek, Ramalhok, Magdalenok, Guarrotxenak, Iruk eta Amelibiak ez dute Athleticen jarraituko.
Mikel Vesga. Argazkia: EiTB
Athleticek astearte honetan jakinarazi duenez, Oscar Gil, Mikel Vesga eta Yeray Alvarez jokalariek 2016-2017. denboraldiaurrea egingo dute lehen taldearekin. Hiru jokalari hauekin batera utzita egon den Kepa Arrizabalaga ere izango da Valverderen aginduetara.
Bestalde, Jon Ander Felipe, Jonas Ramalho, Egoitz Magdaleno, Iker Guarrotxena, Jon Iru eta Jon Ander Amelibia jokalariek ez dute jarraituko Athleticen datorren denboraldian. Klubak urte hauetan egindako lana eskertu nahi izan die.
Halaber, Gorka Perez, Jon Agirrezabala, Yannis Rahmani eta Ander Aldai Bilbao Athleticera itzuliko dira.
itzuliko dira.