Athletic eta Reala, garaipenaren bila derbian

Athleticek eta Realak euskal derbia jokatuko dute igande honetan, 16:15ean, San Mamesen. Zuri-gorriek zortzi derbi jarraian daramatzate Realari irabazi ezinda. Ernesto Valverdek, bere bigarren etapan talde bizkaitarrean, inoiz ez dio gipuzkoako taldeari irabazi.

Bi taldeak baja arrantzitsuekin iritsiko dira igandeko derbira. Athleticen Beñat da baja garrantzitsuena. Igorrekoa min hartuta dago, eta Valverdek bere jokalari onena galtzen du partida honetarako. Raul Garcia bere posizioa atzeratu lezake Beñat ordezkatzeko, baina Iturraspek ere joka lezake hasieratik. San Jose hasierako hamaikakoan izango da. Mikel Balenziaga ere baja da, bi partidako zigorra bete behar baitu. Balenziagaren ordez Lekue da hasieratik jokatzeko aukera gehien dituena, baina Athleticeko entrenatzaileak ez du baztertu Saboritek bete dezakeela Balenziagaren postua, baita De Marcosek ere hegaletik aldatuta. Boveda ez da sendatu eta ez da jokatzeko prest egongo. Kepa Arrizabalaga atezaina ere baja da derbirako Espainiako 21 urtez azpiko selekzioarekin min hartu baitzuen. Iraizoz izango datezain titularra igandean.

Reala, aldiz, indarberrituta iristen da derbira eta azken urteetan emaitza onak lortu dituztenaren jakitun. Txuri-urdinek euren jokoa aurkitu dute, eta bide honetik doaz. Imanol Agirretxeren bajaz gain Eusebio entrenatzaileak ez ditu jokatzeko prest izango Hector Hernandez, Joseba Zaldua eta Jon Gaztañaga. Taldearen jokoa David Zurutuzak zuzenduko du Illarramendirekin batera. Eusebioren zalantza bakarra, hegalean Carlos Martinez edo Aritz Elustondo jartzea da.

Ustezko hamaikakoak:

Athletic: Iraizoz; De Marcos, Yeray, Laporte, Lekue; San Jose, Iturraspe; Williams, Raul Garcia, Susaeta; Aduriz.

Reala: Rulli; Carlos Martinez edo Elustondo, Navas, Iñigo Martinez, Yuri; Illarramendi, Zurutuza, Xabi Prieto; Oyarzabal, Vela, Willian Jose.

Epailea: Gonzalez Gonzalez.

Zelaia: San Mames.

Ordua: 16.15ean.

rong> 16.15ean.rong> 16.15ean.