Ostiralean, 20:45ean
Athleticek Europako postuetara itzuli nahi du
Agentziak | Erredakzioa
Zuri-gorriek Eibarrekin berdinduta daude, zazpigarren postuan, eta aurreko jardunaldian galtzaile atera diren arren, bolada onean dira, azken sei partidetatik lau irabazi dituztelako.
Balenziaga, Las Palmasen aurkako aurreko partidan. Argazkia: Efe.
Athleticek Las Palmas hartuko du San Mamesen Europan jokatzeko eskubidea ematen duten postuetara itzultzeko helburuarekin. Zuri-gorriak postu horietatik atera ziren aurreko astean Vila-realekin galdu ostean.
Ondorioz, norgehiagokak garrantzi handiagoa dauka lehoientzat kanariarrentzat baino. Las Palmasek ez du aukerarik Europarako sailkatzeko, 14 puntura baitago, eta jaitsiera postuetatik ere urrun daude (16 puntura, Betisi 4 eta 1 irabazi ondoren).
Aurreko jardunaldian Vila-realekin galdu arren, Athletic bolada onean da, azken sei partidetatik lau irabazi dituelako, eta azken 12etatok, zazpi. Gainera, jokoan ere hobera egin dute zuri-gorriek.
Sailkapenean, Athletic Eibarrekin berdinduta dago (armaginak zazpigarren dira); gipuzkoarrei 3 eta 1 irabazi zieten etxean eta hurrengo jardunaldian Ipuruara bisita egingo dute. Seigarren postua, Realarena, bi puntura dute, eta averagea alde, eta bosgarrena, Vila-real, berriz, lau puntura dute.
Valverdek jokalari guztiak jokatzeko moduan ditu.
Ustezko hamaikakoa
Athletic Club: Kepa; De Marcos, Yeray, Laporte, Balenziaga; San José, Beñat; Williams, Raúl García, Muniain; eta Aduriz.
Las Palmas: Raúl Lizoain; Míchel Macedo, Lemos, Bigas, Dani Castellano; Roque Mesa; Halilovic, Tana, Vicente Gómez, Jonathan Viera; eta Livaja
Epailea: Estrada Fernández (Kataluniarra).
Estadioa: San Mames.
Ordua: 20.45ean.
¿Deialdia: #Athletic Club - @UDLP_Oficial pic.twitter.com/KYHrl4eXEk
— Athletic Club (@athletic_eus) 13 de abril de 2017