Bihurritua ezker orkatilan
Oscar De Marcos baja izango da lau edo sei asterako
Erredakzioa
Athleticeko osasun zerbitzuek jakinarazi duetenez, jokalariak "II graduko bihurritua du ezker orkatilan. Artikulazioa inmobilizatu zaio, eta sendatze prozesuari ekin dio".
Óscar De Marcos. Argazkia: EFE
Oscar De Marcos Athleticeko jokalaria lesionatu egin zen igandean Getaferen aurkako partidan. Froga osagarriak egin dizkiote, eta jokalari zuri-gorria baja izango da lau edo sei asterako.
"Egin zaizkion froga osagarrien arabera, II graduko bihurritua antzeman zaio bere ezker orkatilako lotailu deltoideoan. Artikulazioa inmobilizatu zaio, eta sendatze prozesuari ekin dio dagoeneko", jakinarazi dute Athleticen osasun zerbitzuek.
Ondorioz, De Marcos baja izango da Panathinaikosen aurkako eta Eibarren kontrako partidetarako. Armaginen aurkako derbiaren ondoren Ligak astebeteko geldialdia izango du, eta Gironaren aurkako partida ere galduko du.