Goizeko entrenamendua
Yeray taldekideekin hasi da lanean, Lezaman
Agentziak | Erredakzioa
Errekuperazio ariketa batzuk egin ditu Ostersunden aurka hasieratik jokatu zuten jokalariekin batera.
Yeray, entrenatzen. Argazkia: EiTB.
Yeray Alvarez Athleticeko jokalaria taldekideekin batera entrenatzen hasi da, atzo taldeak Ostersunden aurka jokatutako partidaren osteko entrenamenduan. Jokalariak barrabiletako minbizia gainditu du, baina ekainetik egon da bajan.
Yeray Lezamako berdegunera ateratzen lehena izan da. Xabi Clementerekin batera aritu ostean, errekuperazio ariketa batzuk egin ditu Ostersund talde suediarraren aurkako partidan hasieratik jokatu zuten taldekideekin.
15 minutu geroago, atzelaria Kuko Ziganda entrenatzailearen eta Iban Urkiza prestatzaile fisikoaren aginduetara jarri da, eta taldekideek txalo artean hartu dute.
ong>hartu dute.