Igandean, 21:00etan
Athletic eta Getafe, Europa Leagueko postuen bila
Erredakzioa
Joaquin Caparrosen zalantza nagusia da Javi Martinezek jokatzerik izango duen edo ez.
Athleticek Getaferen aurka jokatuko du igandean (21:00etan) San Mamesen. Bi taldeek helburu antzekoak dituzte, Europa Leaguerako sailkapena lortzea edo postua horiengatik lehian egotea.
Talde zuri-gorria hamargarren postuan dago Getaferengandik hiru puntura. Madrildarrak zazpigarren sailkatuak dira eta puntu bakarrera dute seigarren postuan dagoen Sevilla.
Joaquin Caparrosen eta Athleticen zalantza nagusia Javi Martinezen egoera fisikoa da. Nafarrak min hartu zuen Alcorconen aurkako partidan eta azken unera arte ez dugu jakingo jokatzeko prest egongo den.
Ustezko hamaikakoak:
Athletic Bilbao: Iraizoz; Iraola, San Jose, Ustaritz, Aurtenetxe; Susaeta, Gurpegui, Orbaiz, Muniain; Toquero eta Llorente.
Getafe: Codina; Pablo Pintos, "Cata" Diaz, Rafa, Marcano; Casquero, Boateng; Victor Sanchez, Albin, Manu del Moral; Colunga.
Epailea: Estrada Fernandez.
Zelaia: San Mames.
Ordua: 21:00etan.