Joanekoa
Athletic – Huesca Kopako partida azaroaren 28an jokatuko da
AGENTZIAK | ERREDAKZIOA
Norgehiagoka urriaren 31n zen jokatzekoa, baina bertan behera geratu zen, MTV sarien harira San Mamesen larunbat honetan egitekoa den kontzertuagatik.
Athleticen eta Huescaren arteko Ligako norgehiagoka. Argazkia: EFE
Athleticek eta Huescak elkarren aurka jokatu behar duten Errege Kopako kanporaketari dagokion joaneko partida azaroaren 28an izango da (20:45ean).
Norgehiagoka hori aste honetan zen jokatzekoa, urriaren 31n, hain zuzen ere; alabaina, bertan behera geratu zen, MTV sarien harira San Mamesen larunbat honetan (azaroaren 3an) egitekoa den kontzertua dela-eta.
Aipatu partida final-hamaseirenetako kanporaketari dagokion joaneko neurketa da. Bueltakoak, berriz, oraindik ez dauka data zehatzik, baina astebetera jokatuko da, abenduaren 4tik 6ra bitartean.