Hauteskundeak
Athleticen Zuzendaritzak dimisioa eman du eta Kudeaketa Batzordea eratu da
eitb.eus
Zuzendaritzako kideen dimisioa abenduaren 27an amaituko den hauteskunde-prozesua abiarazteko lehen urratsa da.
Josu Urrutia, klubeko azken bazkideen batzarrean. Argazkia: EFE
Athleticek ostegun honetan ohar baten bidez jakitera eman duenez, Josu Urrutia presidenteak eta Zuzendaritza Batzordeko kide guztiek dimisioa aurkeztu dute, eta, horren ostean, klubeko "Estatutu Sozialen 68. artikuluak ezartzen duena betez" Kudeaketa Batzorde bat eratu da.
Aipatu oharrean jasotzen denaren arabera, honako hauek osatuko dute Kudeaketa Batzordea:
Josu Urrutia
Javier Aldazabal
Jon Muñoz
Jokin Garatea
Ignacio Palacios-Huerta
Laura Martinez
Elaia Gangoiti
Genar Andrinua
Athleticeko hauteskundeak abenduaren 27an izango dira, eta bertan ez du parte hartuko gaur arte presidente izan den Josu Urrutiak, azaroaren 7an emandako prentsaurrekoan aurreratu zuenez.