Lanera itzuli da
Athletic lanera bueltatu da Gabonetako atsedenaldiaren ostean
eitb.eus
Talde zuri-gorriak entrenamendua egin du larunbat honetan, Eguberrietako oporraldia amaitutzat eman ostean. Aitor Elizegi presidenteak jokalariekin hitz egin eta entrenamendua ikusi du.
Your browser doesn’t support HTML5 video
Athletic lanera bueltatu da larunbat honetan, Gabonetako oporraldiaren ostean. Gaizka Garitanok zuzentzen duen taldeko jokalariek lehen lan-saioa egin dute urtarrilaren 7an Celtaren aurka jokatuko duten partidari begira.
Entrenamenduan ez da ezustekorik egon. Lan-saioa baino lehen Aitor Elizegi presidenteak talde-teknikoarekin eta jokalariekin hitz egin du. Ondoren, entrenamendua ikusi du presidenteak.
Mailari eustea izango da Athleticen helburua urte berrian, 2019an. Zuzendaritza-Batzorde berriarekin, jokalariren bat edo beste fitxatzea espero dute zaleek, eta bolo-bolo dabiltzan izenak Ibai Gomezenak eta Fernando Llorenterenak dira.
Lehen taldearen plangintza abenduaren 29ra arte:
ABENDUAK 29, larunbata
18:30 Lan saioa Lezaman.
ABENDUAK 30, igandea
10:30 Lan saioa Lezaman. Ateak itxita, lehen hamabost minutuak irekita hedabideentzat.
18:30 Lan saioa Lezaman.
ABENDUAK 31, astelehena
10:30 Lan saioa Lezaman. Ateak itxita, lehen hamabost minutuak irekita hedabideentzat.
URTARRILAK 1, asteartea
Atseden eguna.
URTARRILAK 2, asteazkena
18:30 Lan saioa Lezaman.