Athleticek bost bisitetatik behin bakarrik irabazi dio Almeriari

Athleticek bost aldiz jokatu du Almeriaren aurka andaluziarren zelaian bere historian zehar eta garaipen bakarra lortu dute. Birritan jokatu zuten desagertuta dagoen Agrupacion Deportivaren aurka eta hiru alditan aritu dira Union deportiva Almeriaren aurka. Beste birritan berdindu egin dute zuri-gorriek eta bi partida galdu egin dituzte.

Talde bizkaitarrak Almerian lortu duen garaipen bakarra iaz etorri zen. Athleticek 1-4 irabazi zion Hugo Sanchezek zuzentzen zuen taldeari Javi martinezen, Ustaritzen, Llorenteren eta De Marcosen golekin. Almeriaren gola Kalu Uchek sartu zuen. 2007-2008 denboraldian 1-1 berdindu zuten bi talde hauek. Negredok sartu zuen andaluziarren gola eta Llorentek berdinketarena. 2008-2009 denboraldian Almeriak irabazi zuen 2-1. Juanma Ortizek eta Uchek egin zituzten andaluziarren golak, bizkaitarrena, Del Olmok.

Athleticek ez zuen garaipenik lortu Franco Navarro Almeriaren estadio zaharrean. 1979-1980 denboraldian Jose Mari Maguregi Athleticeko jokalari ohiak zuzentzen zuen Almeria eta 4-2 irabazi zuten andaluziarrek. Urte bete beranduago Athleticek 1-1 berdindu zuen.

Igor Gabilondo, 150 partida Athleticekin

Igor Gabilondo Athleticeko jokalariak zuri-gorri moduan 150. partida bete dezake datorren asteburuan. Juegos Mediterraneos zelaian minutu batzuk jokatzen baditu 150 norgehiagokako zifra beteko du Athleticeko jokalari moduan.