Xabi Etxeitak ez du Athleticen jarraituko

Athletic Clubek jakinarazi dio Xabier Etxeita jokalariari, ekainaren 30ean kontratua amaitzen duenez gero, ez duela Athletic Clubeko lehen taldean jarraituko datorren denboraldian. Amorebieta-Etxanoko jokalaria 7 denboraldiz egon da talde zuri-gorrian, 140 partida eta 8 gol lortuz (4 LaLigan, 3 Kopan eta 1 UEL-n).

Etxeita 2006/07 denboraldian heldu zen Bilbao Athleticera, SD Amorebietatik, eta 2009/10 denboraldira arte egon zen Lezaman. Cartagena eta Elx taldeetan egon ostean Bilbora itzuli zen 2013/14 kanpainan, 2017/18 denboraldia amaitu arte. Une horretan SD Huescara joan zen utzita.